 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ранак сьпявае над Менскам,
Таньчыць на вуліцах квецень,
Горадам коціцца вестка –
Элвіс ідзе па праспекце.
Не па ТВ, не ў газеце –
Баба адна расказала:
Элвіс ідзе па праспекце –
Проста, куды ні папала.
Песьня ліецца праз вокны,
Тэксты кладуцца на вецер,
Элвіс сьмяецца ў натоўпе,
Элвіс ідзе па праспекце.
Маці ўсьміхаецца дзецям,
Муж усьміхаецца жонцы,
Элвіс ідзе па праспекце
І ўсьміхаецца сонцу.
Хто павядзе мільёны?
Хто вынаходзіў тэтрыс?
Хто ганаровы донар?
Хто разьлівае “Бэйліз”?
Хто разгружаў вагоны?
Хто падымае ветразь?
Дзеці, скажыце, хто ён?
- Элвіс!
Вядома, Элвіс.
7/8.1.2010.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
